سيدة احترفت تدريب الملاكمة وتميزت

نص الحلقة :

نورما أبو السندس :"كان همي الوحيد اني انا اطلع مش الأولى على الصف همي الوحيد اني انا اطلع يعني افوز بمباراتي انا كنت لاعبة  العاب قوى وهما بيستغربوا انه بنت تلعب ملاكمة هاي بالبداية صراحة يعني كان في استهجان واستغراب وانه هاي لعبة للشباب مش لعبة للبنات والبنات الهم رياضاتهم الناعمة

اول مدربة بتطلع على الحلبة كمدرب ليس فقط في بطولة السيدات و برده كنت مدرب على الحلبة في بطولة الرجال۔"

هبة جوهر :"ما كان كتير مهم بالنسبة لها انها تكون الاولي على الصف اهم اشي تكون رقم واحد بالرياضة في كتير من الأشخاص الحلم الي برافقهم من هم صغار بيكبر معهم وبيتحقق وبيصير جزء من حياتهم تماما مثل الي صار مع بطلة قصتنا "نورما أبو سندس" الي صارت اول مدربة ملاكمة معتمدة من الاتحاد الأردني في حلقة اليوم راح تحكيلنا قصتها القصيرة

تعريفها عن حالها بسيط جدا مدربة ملاكمة دولي بتنتهج تدريب ستايل الملاكمة الروسية نورما مش بس ناجحة على الصعيد الرياضي هي كمان رئيسة قسم مالي بأحد المؤسسات الحكومية بدأت حياتها الرياضية من هي صغيرة كانت تشارك في العاب القوى على مستوى الرياضة في المدارس كان نفسها تكبر وتمثل بلدها بالمسابقات الدولية كمان كان نفسها تنضم للمؤسسة العسكرية۔"

نورما أبو السندس :"صراحة من انا صغيرة من انا طفلة يعني كل تفكيري كان بالرياضة يعني بجوز تفكيري بالرياضة لسه اكثر من الدراسة اهتم فيها اكثر فكانت يعني كان همي الوحيد اني انا اطلع مش الأولى على الصف همي الوحيد اني انا اطلع افوز بمباراتي انا كنت لاعبة العاب قوى الي هي كان جري تتابع ١٠٠ و ٤٠٠ متر

وكنت أشارك بالجلة والرمح والوثب الطويل فكان اهتمامي بشكل أساسي اني انا اطلع رقم واحد بالرياضة حتى على المستوي الدراسي يعني لازم تطلع علاماتي فل بالرياضة ما بهتم بالأمور المواد الثانية كان طموحي طبعا اني انا ادخل المنتخب وامثل بلدي بالنسبة للأمور الثانية يعني خلينا نحكي الصعيد العملي كان نفسي انا اطلع صراحة كان نفس اطلع ضابط بالجيش وبالنسبة للبيئة الي انا عيشتها كانت يعني انا اصغر واحدة بالعيلة فكنت حتي اصغر من الشباب فكنت انا متأثرة بأخوي الأكبر مني بتلات سنين هو الي مغير بشخصيتي كاملة وكان صديقي هو كان اخوي هو كان كل اشي بحياتي فكنا نعمل كل اشي مع بعض لهيك ممكن يكون شوي كان تفكيري مختلف عن بنات جيلي بس كان فعليا انا كان طموحي اني انا أوصل بشئ للرياضة وبنفس الوقت بشئ بالصعيد العملي

مرحلة ما بعد المدرسة ولله الحمد نجحت ودخلت الجامعة و درست تخصص بكالوريوس علوم مالية ومصرفية وبرده كان الي دور بالجامعة برده كملت حياة الرياضة حياتي الرياضية كانت بالجامعة ورياضتي كانت بالجامعة انه كنت لاعبة ريشة طائرة وحصلت كنت بمنتخب الجامعة وحصلت على بطولة ريشة الطائرة على مستوي الجامعات بالمملكة بالإضافة الى اني كنت لاعبة كرة قدم برده حصلت فيها على إنجازات على مستوي الجامعات وكملت مشواري بالدراسة والرياضة خلال اربع سنوات ولحد ما اتخرجت  واشتغلت  بلشت حياتي العملية كمحاسبة بإحدى المؤسسات الحكومية۔"

هبة جوهر :"بين ٣٨ شاب بامتحان المدربين المحليين للملاكمة اتمكنت نورما انها تحجز مقعد ليها وتحترف تدريب الملاكمة هاي الطريق الي اختارته نورما ما كان فيه وراها مدرب مهم شاف فيها قدرات فريدة قادرة انها تلمع في مجال الملاكمة وتتميز لتكون اول فتاة مدربة وتفتح الباب قدام كتير من الفتيات۔"

نورما أبو السندس :"بالبداية كان هو مقترح من مدرب ملاكمة دولي وهو يعني صراحة مدرب مخضرم ترفع له القبعة بالاحترام للي قدمه بعالم الملاكمة بالأردن وهو شاف بنظرته الي انه كان فيه الي ماضي رياضي حكالي انه فرصة انه تتدربي وانه هاي الها فوائد كثير ومش غلط غير نظرة المجتمع ما تكون محتكرة فقط للشباب والبنات بيقدروا يخوضوها ففعلا اتدربت معه واشتغلت على حالي وبعدها مباشرة اتدربت مع شخص او مدرب تخصص ملاكمة روسية لانه هو كان لاعب بالمنتخب الاوكراني وصار مدرب كمان عندهم بالمنتخب الاوكراني بعدين وصل عندنا هون اجه لعندنا بالأردن ومدرب اردني بالاصل اردني الجنسية فكملت معه وحبيت اني اتميز معه بالملاكمة الروسية فاتعلمت هاي المدرسة واشتغلت على حالي فيها وبعدين حسيت انه لازم أتقدم لطلب شهادة من الاتحاد الأردني للملاكمة يعني فعلا طرحنا بفترتها دورة مدربين مبتدئين الي هما مدربين درجة ثالثة محليين اتقدمتلها والحمد لله نجحت فيها وضليت مستمرة لحد ما اخدت برده يعني انا ضليت مستمرة بالتدريب صرت مدرب وفتحت الي جيم خاص بالملاكمة وصرت ادرب فيه وبعدين انطرح عندنا بالأردن مدرب امتحان مدرب دولي وين ستار و انا كنت من احدى المتقدمين على فكرة بالامتحان الأول الي هو المدربين المحليين كنت انا البنت الوحيد بين ٣٨ شاب ونجحت الحمد لله وبالمدرب الدولي كنت انا وكمان صبية معي اتقدمنا للامتحان من ضمن مجموعة كبيرة من الشباب والحمد لله حالفنا الحظ ونجحت فيها دوليا وصرت هلا مدرب ملاكمة دولي امثل بلدي بره ومدرب برده محلي مصنف بالاتحاد الأردني للملاكمة۔"

هبة جوهر  : "وجود نورما في هذا العالم كان ليه كتير من التحديات بس للحقيقة تحديات في عالم الملاكمة النسائية موجودة في كل العالم هاي الرياضة النسائية صارت موجودة في الأولمبيات عام ٢٠١٢ وقبلها تحديدا في عام ٢٠٠١ أقيمت اول بطولة عالمية لملاكمة السيدات بالولايات المتحدة كانت تقام كل عامين لوصلت لنتسختها الثامنة الي استضافتها كوريا الجنوبية عام ٢٠١٤

استهجان واستغراب كانت ردة الفعل الاولي من المجتمع لما عرفوا ان في بنت بتحترف رياضة الملاكمة لانه للبنات رياضات معروفة مقرونة بالنعومة الا انه نورما كملت بطريقها لصارت الرياضة اليوم منتشرة بشكل واضح لاسيما انها تخلي البنت تدافع عن نفسها۔"

نورما أبو السندس :" احنا مجتمع شرقي و يعني هم بيستغربوا انه بنت تلعب ملاكمة هاي بالبداية صراحة يعني كان فيه استهجان واستغراب وانه هاي لعبة للشباب مش لعبة للبنات والبنات ليهم رياضاتهم الناعمة ولآخره لحد ما وصلنا اليوم ب ٢٠٢٢ انه صارت هاي اللعبة تقريبا منتشرة مش بس بكل الأردن وبمعظم الأردن صارت بالوطن العربي لانه هي رياضة بتخلي البنت تدافع عن نفسها بلحظة معينة وانا حكيتها في لقاءات قبل يعني انه ممكن هاي البنت تكون معرضة لموقف ما يكون موجود معاها بهالحظة لا اخوها ولا ابوها ولا زوجها فمضطرة انها تدافع عن نفسها هاي السلاح ممكن انها تدافع عن نفسها فيه بالإضافة انها تقوي الشخصية للجميع للطفل للصبية للشاب وهي أصلا ليها فائدة على الجسم حكينا هي قوة عضلية عصبية يعني فيا تناسق عضلي عصبي أصلا بالبداية زي ما حكيتلك كان فيه صعوبات يعني الاهل ما منعوا لانهم عارفين شغفي بالرياضة استهجنوا لكن ما منعوا و يعني وصلتهم لمرحلة انهم صاروا يدعموني فيها والحمد لله يعني حاليا انا والدي ووالدتي واهلي كلهم دعموني فيها ومفتخرين بالمرحلة الي انا وصلت فيها بهاي الرياضة۔"

هبة جوهر  :"الملاكمة تلقب برياضة الفن النبيل اما من وين جت هاي التسمية ولماذا فاغلب المصادر بتقول لانها شبهت بمبارزة النبلاء حيث شرف المبارزة من خلال نفس السلاح نفس لظروف قوانين صارمة بتتطبق اثناء المبارزة هيك الملاكمة في ناس بتحكي لانها كمان مبارزة بدون سلاح في رياضة الفن الجميل امتلكت نورما الأدوات وقدرت انها تخوض فيها الطريق من الإنجازات رغم التحديات۔"

نورما أبو السندس : " اكيد بعد التحديات الي واجهناها بدوا يكون ولله الحمد طبعا الأول بالآخر في إنجازات اول انجاز الي اني انا صرت مدرب محلي درجة ثالثة ومن خلال هاي الدرجة انا شاركت في بطولة المملكة للسيدات وكان انجازي اول انجاز انه لاعبة عندي اخدت فضية مملكة على وزن الي فوق ثقيل فبالاضافة انه عندنا لاعبين بس انا بحكي من الناحية النسوية من بعدها ولله الحمد انه انجازاتي صرت مدربة و برده شاركت بلاعبين ولاعبات برده حصلت (حصدنا) ميدالية فضية للاعبة عندي فئة السيدات لهاي السنة وبالإضافة انه انا تركت بصمة ممكن تكون ما ليها سابقة الي هي كنت انا اول مدربة بطلع على اول مدربة بتطلع على الحلبة كمدرب ليست فقط في بطولة السيدات وبرده كنت على الحلبة في بطولة الرجال

فهاي كانت شيء مش موجود ليه سابق على مستوى المملكة ولا على مستوى الوطن العربي ولله الحمد

و إنجازتنا في مشاركتنا في البطولات المحليه البطولات أنديه ومركز وبطولات علي مستوي المملكه ومدربين بالاتحاد الأردني للملاكمه وأكيد حصدنا المادليات وأثبتنا وجودنا وأصبح للملاكمة الروسية وجود على الحلبه عمستوي المملكه وكانت فيها لفت نظر للمدربين الدوليين بينها فعلا مختلفة كانت عن المدارس الأخري أو خليني أحكي للملاكمه المحليه لأن هاي تشتغل علي تكنيك مختلف نلعب زوايا ضد الخصم هدفنا ضربة قاضية فيها رفع عالي مختلفة نوعا ما فصار ينحكي عمستوي الإتحاد بشئ اسمه مدرسة روسية۔"

هبة جوهر:" نورما كمدربه أثرت كتير في المتدربات لأن بتشوف هاي الرياضيه مش بس بتساعد علي تحسين اللياقه انما الها أثر كتير كبير علي بناء الذات وزياده الثقه بالنفس كانت الصبايا بيروحو لنورما ليقللو وزن كانو يطلعو من عندها بطلات بهالرياضه ۔"

نورما أبو السندس  :" أكيد يعني المدرب أي مدرب بيأثر بلاعبينه وأي مدربه بتأثر بلاعبتها في عندي صبايا ماخدين الموضوع أنه يفوتو كلياقة بدنية وتنزيل وزن بعدين لما شافو أنه هي لعبه مجديه بتطور الشخصيه عدا أنه بتطور فقط من ناحيه استفاده جسدية صارو بدهن يلعبوها كتكنيك يعتمدوها وفعلا يعني متل ما حكيتلك كتير من احداهن يعني وصلو لمرحلة أنهم يفوتو بطولات والحمدلله شاركت فيهم وأخدت فيهم مادليات علي مستوي المملكه وإن شاء الله أفضل بهدول الصبايا وبصبايا جداد يكون عندهم هاي النوع من التحدي المجتمعي للعبه الملاكمة النسوية وإن شاء الله بيخوضوا هاي التجربه وبيحققوا أمنياتهم فيها وبيصيروا ملاكمات أردنيات بيمثلوا  وطنا الحبيب خارج المملكه علي الصعيد الدولي ۔"

هبة جوهر  :" أما أحلام نورما فهي رياضية كمان لأنه كل شغفها بهدا المجال ولأنها بتشوف بالملاكمة رياضه مهما للشباب والصبايا لكن هدا الشئ ما بيوقف حلمها بالتطور كمان علي الصعيد العملي ۔"

نورما أبو السندس :" أحلامي بتمني أنه رياضتي توصل لكل صبية بتمني أنها تمارسها لأنها جدا مفيدة للصبايا وللشباب يعني مفيدة بشكل عام لجميع الفئات بتمني زني أطور ما أكون فقط  1ستار بتمني أوصل ل 3 ستار وبتمني أنه هاي اللعبه أو هاي الرياضة تنتشر علي مستوي مش بس المملكة توصل لأكثر للوطن العربي والعالمية بتمني أكيد المدرسة الروسيه بساحة الملاكمة أنها تنتشر أكثر وأكثر لأنه استيلها جدا مختلف وحلو بتمني علي صعيد العمل التاني انا حكيتلك أنا باردو رئيس قسم مالي بتمني إني أنا أوصل لليفل أعلي وأنجح في مجالي أكثر لأنه أنا بحب أنجح بالمجالين وبالنهاية الله ولي التوفيق يعني الحمدلله علي كل شئ ومن جد وجد وإن شاء الله أنه ربنا بيحقق طموحاتي وطموحات الجميع يا الله ۔"