خليل يونس يخبرنا تفاصيل تعايشه مع ( اضطراب نقص الانتباه و فرط النشاط)

نص الحلقة :

صارت معي مع مها فطوم بودكاست أخبار الأن

كنت أسمع بس هذا التصنيف الوحيد اللي انتي بتحصلي عليه بالمدارس بسوريا ما في مبدع مافي هذا الشخص بيفكر بشكل تحليلي هذا الشخص بيفكر بشكل منظم خلاص انتي يا ظاطره ممكن اهلك يكون حلمن تصيري طبيبه دكتورة لانه بتعرفي بسوريا ما في غير مهنتين بسوريا يا طبيب يا ولا شئ

 

يعني بسوريا كنت بأميركا تعني السنه كنت التاني او التالت علي المدرسه

 

الاشخاص اللي عندهم

ADHD

نسبه ممكن يكون فنانين مخترعين لأنه أحنا نحكي عن بدي بالنهايه ايجاد حلول

اللي عندهم ۔۔۔۔ بيواجهوا كتير صعوبات بحياتهم يعني مو كله ورد وأشياء كريتف والي أخره الشخص اللي عنده دائما بحاله بحث عن شئ جديد  " خليل يونس "

 

سمعتوا صوت خليل يونس رسام وفنان سوري عايش في امريكيا وسنجل داد لطفل واحد عمره 14 سنه ببودكاست صارت معي بيشاركنا خليل ضمن سلسلة نفسيتي اولا ليخبرنا تجربته مع اضطراب

Attention-Deficit / Hyperactivity Disorder (ADHD)

بالعربي اضطراب نقص الانتباه مع فرط النشاط نفسيتي اولا هي سلسله بيحكي فيها ضيوفنا تفاصيل تعايشهم مع امراض نفسيه واضطرابات مختلفه بمشاركه مختصيين وأطباء بهالمجال رح تستمعوا مع نهاية الحلقه لرأي وتعليق الاخصائية " هبه عنوس " حول الاضطراب وتجربه خليل رح يتوضح لالكم من خليل ومن هبه حقيقه اضطراب هذا الاضطراب ان كان يشخص كاضطراب نفسي ام هو سبب ونتيجه لحالات نفسيه اخري رح تعرفوا  بيعرفوا كمان اسبابه وعوارضه عند الاطفال والبالغين وليش صاير تبني الاصابه فيه منتشر عند الشباب واشبه بتريند علي السوشيال ميديا رح نبدأ مع خليل ونخبركم تحديد تسجيل المقابله بساعات الصباح الاولي بتوقيت امريكا وهذا السبب مرتبط بشكل او بأخر بال

ADHD

" مها فطوم "

 

يعني هلا هي بتختلف من شخص لاخر بالنسبه الي مثلا انا اكتر اوقات برودكتف عندي هي الصبح لانه صعب الفيق عندي اكيد كلنا ما بنحب نفيق بكير بس البرودكتف اور من الساعه 9 ل 12 او 2 الضهر وبعدين بينزل الاداء بليل بينعدم

دائما بحاول اذا في شئ بده تفكير او تشغلي مخ يكون بالساعات هاي واي شئ بنحكيه هو نسبي ومتعلق بشكل اساسي بسياق الشئ اللي بيعمله الواحد يعني مثلا في اشياء اللي بتعمل تحفيز للمخ الاشياء اللي بيحبوها واللي مهتمين فيها هاي ممكن يفوتوا بحاله هيبر فوكس ممكن يضلوا يشتغلوا 20 ساعه بكفائه كتير عاليه وبسرعه كمان كتير عاليه بدون ما يحسوا بس متل ما قولتلك انه معتمد علي الاشياء اللي بيشتغلوها لانه واحده من الاشياء الاساسيه هي خلينا نقول قله المحفز الشئ المحفز وهذا الشئ هاي المحفزات بدها تكون اشياء هم بيحبوا يسوها يعني الشخص المصاب صعب كتير يعمل اي مهمه كانت اذا مانو حاببها ما نو منطقيه مانوشايف سبب او فائدة انه يعملها لهيك الاشياء الروتنيه كتير صعبه يعني مثل ما بقولك انه الواحد بيضل يكتب 20 ساعه علي شغله حاببها بس هل 20 ساعه كتير اسهل مثلا من أنه يكتب فاتوره لازم يدفعها بوقت محدد كل شهر يعني هاي المهمه ممكن يضل يأجلها ويأجلها يعني هلا في طرق آليات ممكن الواحد يدرب حاله عليها  ليتعلم ع هاي الشغلة هاي خصوصا هلا الي صارت الاشياء كتير سهلة يعني فيكي اذا عندك مثلا فعجة ... في البيت او السيارة وفيكي تعملي هذولا الاشياء انهم يندفعوا بشكل اوتوماتيك فهذا الشي تكنولوجيا كتير سهلت اشياء "خليل يونس "  . "

 

طيب هلا بالمجتمعات العربية المتعارف عليه عند الاطفال في شي اسمه نقص الانتباه مع فرط النشاط هيك كنا نسمع هذا الولد عنده فرط حركة ۔" مها فطوم  "

 

هذا كنا نقوله حرقص من زمان " خليل يونس "

 

ايه وعلى كبر بعد ما وعينا لهاي الاضطرابات بـأشكالها وخلافاتها انه هذا هو ADHD  وانه هو خاص أكتر بالأطفال فخبرني انت متى انت عرفت ووعيت لهذا الموضوع " مها فطوم "

 

" هلا هو يعني هذا مو بس بسبب بعالمنا العربي للأسف هاي الاشياء لسه كتير بدها وقت يعني لساتنا كتير متأخرين طبيا  وكوعي اجتماعي بس حتى المجتمع الطبي الغربي يعني لسنوات مو كتير بعيده كانوا بيعتقدوا ان فرط النشاط هو حاله بس تخص الأطفال وبس يطلع من مرحلة الطفولة بتختفي تماما لأنه المخ يقدر يواكب او يلحق هذا التأخر وبيصير الطفل عادي بس الي اكتشفوه بعدين وصار عليه دراسات انه هذا الشي ما كان صحيح ابدا لأنه عم يحددوا او الدراسات الي انعملت من قبل كانت عم تشوف انه اختفاء العلامات تبع فرط النشاط هو دليل على انه ما عاد في فرط نشاط يعني الطفل لو ما بيقدر يقعد او دايما بيتحرك وكذا وصار عمره ١٠ سنين ١١ سنة وبطل انه ما يقدر يقعد فكانوا ياخده هاي الشي انه راح هاي الاشي بس هذا الشيما طلع كتير دقيق لأنه يعني هلا في دراسات كتيرة تؤكد انه ADHD  بيضل لمرحلة البلوغ يعني هو مدى الحياة هو مانه بس لمرحلة الطفولة وبيروح بس الي بيروح زي ما قولتلك العلامات تبعه لانه الشخص بشكل طبيعي بيصير عمره ١٥ سنة حركته ما بتضل متل ما كان عمره ٥ سنين بس طريقة عمل المخ بتضل و أحيانا بتتحول لأشكال تانيه يعني بتصير داخلية ، التأثير تبعها داخليا " خليل يونس "

 

 

" طيب انت على الصعيد الشخصي يعني كيف  التشخيص و ميف عرفت هاي الحالة وادركت انه انت عندك ؟ " مها فطوم " ADHD

 

"  هلا انا اتشخصت على كبر والسبب و مو السبب يعني كنت اسمع بالموضوع يعني بس ابني اتشخص عنده ADHD  اتشخص بامستردام عنده توحد و ADHD   فهذا الشي خلاني اغوص بكتب مراجع بقدر احصل عليها ليها علاقة بهاي الموضوع فمن خلال القراية انه صرت شوف في كتير تشابه في شغلات عم بقراها كتير بتشبه طريقة تفكيري ، طريقة معالجتي للأمور ، اشياء كنت اعاني منها طول الحياة خصوصا مرحلة الطفولة فوقتها مثلا فيكي تقولي شخصت حالي ورحت لعند الدكتور وشرحتله كيف كانت طفولتي بسوريا وشو الصعوبات الي بواجهها واتشخص عندي الموضوع بعمر ٣٠ تقريبا بمرحلة كتير متأخرة وهذا دليل متل ماقولتلك انه هو ما بيروح هو بس بيتحول لأشكال تانيه يعني الشي الinteresting  انه كمان قولت ان بايش الواحد  بهاي الحالة او الخلل لفترة طويلة المخ لحاله بيصير يعوض ، المخ بيخلق آليات لتعامل ما بحب اسميه النقص بس خلينا نقول الاختلاف في معالجة الأمرر في معالجة المعطيات في معالجة المعلومات

خليل يونس " "

 

اوك فيك تخبرنا الشي الي بتحب تقدمه يعني بنسمعه منك عن الشي الي حكيته للطبيب عن طفولتلك وعن الصعوبات الي كنت تواجهها وقت وجودك بسوريا

" مها فطوم "

 

هلأ سوريا كتير يعني كان الموضوع للاسف مأساوي وفهمت علي الموضوع اكتر صار عندي رؤيه كمان مختلفه كتير عن نظام التعليم بسوريا مو بس بسوريا طبعا بكل العالم العربي لانه نظام التعليم تبعنا بعتقد هذا الشئ اله علاقه بفكره بناء دوله فانتي بتسوي نظام تعليمي لحتي تخرجي ناس بيشتغلوا بمراكز حساسه ومهمه بالدوله بس هذا الشئ بيخليكي تهملي باقي الاشخاص فبدك انتي الادمغه يلي بتقدر تدرس جداول تقدر تشتغل لساعات طويله بمعمل بمهن فيها تكرار ۔۔ الخ فهذا الشئ بيخلق نظام تعليمي مثل النظام اللي لسه عندنا بسوريا خصوصا بالمدارس الحكوميه انه اي طلاب مختلفين نحن ببساطه بنسميهم كسلانين ونحطهم باخر مقعد يعني ما في كتير اهتمام انه ليش كسلانين هلا انا عيشت بسوريا كل فتره حياتي بسوريا كان عندي كتير صعوبات بالمدرسه مكنتش الطالب المشاغب الطالب اللي بيعمل شغلات بالصف الشالب اللي ما بيقدر يقعد ينتبه يعني دايما بلتهي باي شئ غير الدرس يعني ممكن برايه وحايه بضل ملتهي فيها طول اليوم بدون ما انتبه علي شئ يعني مثل ما قولتلك انه هذا الشئ استيجما انه فلان كسلان فلان ما بيهتم بس اللي اتضحلي انه لا ما بسبب كسل الطلاب وانما بسبب الشكل الوحيد بطرق التعليم بسوريا انه هذا الشكل ما بيضم كل الاطياف هو بس بدو متل ما قولتلك الاشخاص اللي مستقبلا فيهن يصيروا ما بقيس فور هلا لحتي ما حدا يحس انه عم نقر كمان بدي اذكر شغله انه السبب مثل ما ذكرتي اول شئ كنا عم نجهز للحكي انه تصنيفه كمرض نفسي وكمشكله ويالي هو وهلا للاسف الاسم الرسمي تبعه للان بدل علي هل الموضوع انه في نقص او في مشكله بس انا شخصيا وطبعا انا ما عندي مااني مختص طبيا بهالموضوع ما عند اي شهاده ما حدا ياخد حكي وكانه نصايح هو بس بناء علي تجربتي الشخصيه انا بشوفه كاختلاف بطريقه معالجه اي شئ بالحياه بطريقه معالجه المعلومات بطريقه ربط المعلومات ببعضها بتفكير التحليلي ووقت نحن منشوف هذا الاضطراب من هذا المنطلق وقت ما نبطل نشوفه كمشكله ومنشوفه كطريقه مختلفه لمعالجه الامور فبيختلف كل طريقه تعاملنا معه لانه بيصير نحن ما عم نحاول نعوض او نحل مشكله ونقرب هذا الشخص لطريقه تفكير الشخص الطبيعي بيصير فينا نشوف الملكات والاشياء يلي هذا الشخص بيقدر يعملها بكفائه كتير اعلي من هذا الشخص ونستفيد منهم هم الاتنين هلا هذا الشئ فينا كتير نشوفه بالغرب بالدول الواعيه نوعا ما في هذا الموضوع يعني هلا ما فينا نقول في وعي كامل يعني هلا في امريكا واروبا لسه بيتعاملوا معه كمشكله بس كمان قدورا يغيروا مناهج التعليم وشكل التعليم وبدي اذكر شغله مهمه بس كمان ما بدي انه يعني بدي اكون حذر شوي لانه ما بدي اياها تكون انه مثل انه عم بشجع او عم كون رومانسي مع الحاله لانه بدي ذكر انه هي اللي عندهم بيواجهوا كتير صعوبات بحياتهم يعني هي مو كله ورد واشياء كريتف ۔۔۔ الخ بس مهم كتير نذكر انه بدون هل الشئ يلي منسميه التنوع العصبي فنحن كمجتمع بشري ما كنا اتطورنا ما كنا وصلنا لهون يعني هذا الشئ اللي عندنا اياه هي الأليه هي اللي عندها اياها بشكل فسيولوجي اللي بتخلق الطفرات والطفرات بتصير تكيف ويتطور الكائنات وكما نحن عندنا ايها بشكل عصبي هذا الاضطراب في صفات العصبيه يعني ما بتنعد بس هالمجموعه مثلا اذا رجعتي ل10000 سنه قبل ما يصير في ثورة زراعية والي اخره كان الشخص اللي عنده مثلا هذا الاضطراب عنده فرص يتغذي احسن يعيش احسن يكون عائله يعني عنده فرص احسن من الشخص اللي ما عنده ۔ " خليل يونس "

 

ليش ؟ " مها فطوم "

 

السبب انه لهيك قولتلك من البدايه احنا عم نحكي عن شئ اختلاف ما عم نحكي عن نقص وهذا الاختلاف لازم نحن نحطه بسياقات محدده يعني ما يصير نقول انه نقص وخلاص يعني بفتره الصيد والجمع الشخص اللي عنده الاضطراب دائما بحاله بحث ما بيقدر يعمل شئ روتيني بشكل مستمر هذا البحث الدائم بيخلي عنده قدره عاليه لخلق سيستم او نظم لحل مسائل لحل مشاكل لانه دائما عم يحاول يعني احنا دائما نشوف الموضوع من وجهه نظر المخ فالمخ دائما يصير عنده تحفيز فهذا بده شئ جديد لحتي يصير فاذا عندها مشكله مثلا رتيبه بتصير بشكل يومي فلحتيي يصير في تحفيز نحن لازم نلاقي سيستم لتحويل هذه المشكله لشئ له قيمه اكتر اسرع لايجاد أشياء جديده تطلع هذا الشخص من حاله الرتابه الدائمه فهذا الشئ تخلي الشخص اللي عنده الاضطراب يلاقي حلول اشياء جديده لهذا ممكن لهيك في كتير من الاشخاص نسبه كبيره ممكن يكونوا فنانين مخترعيين مسوقيين لانه وقت نحكي عن الكريتفتي هي بالنهايه ايجاد حلول وايجاد نظم جديده كانت بصريه كانت موسيقيه يلي هو يلي هذا السبب يلي حاليا عم يخلي كتير عالم خصوصا يعني مثل ما قولتي الشباب انه هنن يحاولوا يفوتوا بهالموجه او هالترند انه عنده الاضطراب وهذه ما هي حاله جديده هاي العدوه المجتمعيه دائما موجوده مو بس علي هذا الاضطراب من فتره كان علي انفصام الشخصيه يلي صار في عليها هيك طلع كام حاله بال 60 شخص عمل جريمه او شئ بأمريكا وصار كتير بالميديا وصار ينحكي عنه كذا فارتفع عدد الاشخاص اللي عندهم الحاله بشكل كتير عالي لمده 4 او 5 سنين بعدين نزلت لانه في اشخاص عندهم قابليه واستعداد طبعا ما اسباب بالضروره تكون شريره بس عندن قابليه انه يتبنوا اشياء بيسمعوها يعني وهذا الشئ كلنا مجربينه يعني اكيد عندك حدا قريب او كذا ممكن يسمع عن شئ مرض علي التليفزيون او مرض خبيث او كذا وتاني يوم يروح يعمل تحليل ويصور حاله لانه هيئله انه عنده نفس الحاله فهاي العدوه المجتمعيه كتير منتشره حاليا ۔ " خليل يونس "

 

طيب انت بشكل او بأخر لحد الان أنا وصلني شعور انه هذا الاضطراب تميز او اشخاص اللي عنده اياهم متميزين بشكل من الاشكال بس هلا اذا بدنا نكمل لنحكي عن الشئ اللي ذكرت الصعوبات خلينا نكون متفقين انه مانو اضطراب نفسي لكن الصعوبات اللي بيواجها بتؤدي الي اضطرابات نفسيه ۔۔ فينا نحكي عن الموضوع ؟

" مها فطوم "

 

أكيد أكيد هلا بدي نرجع لشغله التميز يعني متل ما قولتلك يعني انا بحاول انه ما حدا يسالني عن الموضوع ما بحاول قول انه تميز لانه مثل ما ذكرتي انه هو في كتير صعوبات لانه ما فينا يعني هلا لو مثلا نجن عايشين بغابه بشكل مجتمعي مختلف فممكن ما تلاحظي اصلا انه في اشخاص عندهم واشخاص ما عندهم لانه هيكون شكل حياته متناسب اكتر مع بيئتهن يعني انا هلا ربيان مثلا بحارة بسوريا هلا اذا باخد شكل حياتنا بهاي الحاره شكل حياتي كطفل وبورجيه مثلا لطبيب باميريكا بيقولك كل ولاد الحاده عندهم بس هذا الشئ ما بالضروره يكون صحيح لانه في بيصير خلط خصوصا عن الاطفال وللتشخيص عند الاطفال انه هل هاي الصفات اللي بيعملها الطفل اضطراب ولا هو بس لانه طفل لانه كل الاطفال نشيطين كل الاطفال ما بينتبهوا كل الاطفال بدهم يلعبوا دائما او اغلبهم بنسبه كبيره منهم وهذا الشئ صحي بس ما عم بعتقد هذا الشئ هو الاضطراب ولا لا كتير صعبه خصوصا بهاي السنوات الاولي وهون في مثل مشكله لانه مثل ما قولتي معرفه الانسان انه عنده الاضطراب بيساعده علي تجاوز او تفادي كتير مشاكل نفسيه ممكن تصير معه بالمستقبل بس بنفس الوقت هذا الشئ احيانا عم يصير علي حساب انه في فرط بالتشخيص يعني في اشخاص في اطفال ما عندهم بس بيتشخصوا انه عندهم طبعا ولعلي وعسي انه هذا الشئ يساعذهم بالمستقبل لانه المشاكل المشاكل النفسيه اللي ممكن تصير انه الطفل يكون عنده هذا الاضطراب ويكون موجود ببيئة عم تفرض عليه شكل مختلف للحياه هو كتير موضوع ممكن يكون كارثي يعني انا كتير كان عندي صعوبات وقت كنت صغير انه مثلا انا كنت كسلان بس هذا التصنيف الوحيد اللي انتي بتحصلي عليه بالمدارس بسوريا ما في مبدع ما في هذا الشخص بيفكر بشكل تحليلي بيفكر بشكل منظم خلاص انتي ياشاطره ممكن اهلك حلمهم تصيري طبيبه يا دكتوره لانه بتعرفي انه هلا ما في غير مهنتين بسوريا يا طبيب يا ولا شئ فهذا الموضوع عملي كتير مشاكل بالثقه بالنفس بانظرتي للمستقبل انه انا اذا هيك بالمدرسه فأنا اكيد ما رح اقدر اكمل تعليمي ما رح اقدر اعمل شئ بحياتي بس حظي كان منيح طبعا متاخر شوي بس ما كتير متاخر انه طلعت علي اميركا بعمر 16 سنه طلعت علي اميركا هربت من سوريا لانه ما كان عندي شئ اعمله بسوريا ما كان عندي اي حلم انه ادرس بسوريا او اخد اي شهاده بسوريا طلعت علي اميركا لانه اخواتي كانوا بامريكا انا كان بس بدي اطلع هلا بامريكا روحت علي المدرسه وبسبب انه طريقه التعليم مختلفه  بسبب انه في وعي مع انه ما اتشخص بس مجرد انه وجود اساليب مختلفه للتعليم كتير ساعدني لدرجه انه بسوريا كنت قمه الكسل بأمريكا تاني سنه كنت تاني او تالت علي المدرسه اللي كنت فيها مع انه كانت لغه جديده ما كنت احكي ولا كلمه انجليزي خلال سنتين وصلت لمرحله بالمدرسه متفوقه وطبعا هاي تجربتي الشخصيه اكيد مو بضروره كل الاشخاص اللي عندهم يكون عندهم ميول فنيه بس انا بالنسبه الي كنت بالمدرسه بدور علي ادوات رسم اشياء جديده للتعبير المدرسه كتير ساعدتني علي هالموضوع بس بدي ارجع للشئ النفسي اللي سالتيني عنه بس شايفه هذا مثال علي كيف بيفكر الشخص اللي عنده الاضطراب يعني انتي سالتيني سؤال وأنا رح جاوبك عليه بس ممكن الجواب يكون ممكن الدائرة تكون كتير طويله لحتي نرجع للسؤال واحيانا ما نرجع يمكن جاوبك علي شئ ۔

هلأ واحدة من الاشياء النفسيه اللي كتير بيعاني منها الشخص اللي عنده الاضطراب وما بعرف اذا سببها هو او بسبب الضغوطات اللي بيتعرضلها الشخص بسبب الاضطراب بيصير معه قلق ولا هي كمان في الها شئ سبب عضوي او سبب عصبي بس يعني من خلال تجربتي انا ومن خلال اللي قاريه والاشخاص اللي بعرفهم وعندهم الاضطراب عدم النوم هي اكتر مشكله تقريبا يمكن هاي اصعب شئ يمكن هاي اصعب شئ حتي الي اصعب اثر نفسي " خليل يونس "

 

اوك كنت عم دردش من يومين مع صديق قالي انا كمان عندي الاضطراب وصار يحكيلي عن بعض التصرفات قالي مثلا احكيلك شئ في عنقود عنب بالبراد او جايب كيلو عنب بالبراد بدي اكل عنب الناس الطبيعيه بيروحوا يشيلو العنقود بيغسلوه بينشفوه بيحطوه قدامهم بيقعدوا ياكلوا قالي انا بفتح الكيس بحطه هيك علي المجلي بفتح هيك خزء صغير من الكيس وبطلع حبه بغسلها وبروح اكلها وبرجع فشو في هيك تصرفات أنت بتلاحظها مثلا يوميا ممكن تخبرنا عنها خاصه بشكل مباشر بالاضطراب ۔ " مها فطوم "

 

هلأ كمان بدي بس ذكر بشغله أنه احيانا وقت الواحد بيحكي عن تصرفات اللي بيعملها والاشياء اللي بيواجها بحياته كشخص كل اللي عم يسمعه بيقول انه طب وانا هيك كمان لانه هو بالفعل هيك يعني احنا دلوقت عم نحكي بهاي الصفات ما عم نجيب شئ من الفضاء هو كلنا عندنا هاي الصفات بس اللي بيخليها اضطراب او لا هو قديش هي قويه قديش هي مركزه وقد ايشها بتعيق اشياء تانيه وقديش بتأثر علي حياه الشخص يعني مثلا الشئ اللي عم يقوله صديقك او الشاب اللي عم تحكي عنه هو شئ مظبوط لانه انتي في عندك دائما المهمه اللي هلا انه انتي هلا بدك تاكل عنب بدك تاكلي عنبه وبعدين بدك تاكلي عنبه تانيه بس ما راح حط عنقود عنب وبغسله وبحطه لانه المهمه الاساسيه من العمليه هو انك تاكلي عنب فما رح تفرق اذا اخدتي من الكيس عنبه او حطتيه ف صحن ورحتي تاكلي علي الكنبايه كمان النسيان شئ كتير خطير النسيان المتعلق بالذاكره القريبه يعني انا هلا بتذكر اسماء كل الطلاب اللي كانوا معي بالصف الرابع بس مثلا اذا بتنقليني رقم يعني ممكن يكون 45 يعني هلا اساليني 45 ممكن دير وشي واصفن انه قالتلي 45 ولا 54 يعني لهالدرجه الذاكره القريبه كتير صعبه بس الذاكره البعيده كتير قويه

" خليل يونس "

 

في كمان فكره ما بعرف صحتها انه بيقولو اللي عندهم الاضطراب انه لما تشتغل معه سواء كانو درافيك ديزاين مثلا او اي نوع من انواع العمل الابداعي اوك شغله بتحبه كتير لانه هما مبدعين بالنهايه لكن صعب التعالم معن نحيه الالتزام بالوقت التواصل معن ممكن ينطروك ساعات وانا شوفتها بصراحه لما اتفقنا علي موعد فما بعرف مدي صحه هاد الشئ " مها فطوم "

 

هلا في هيك شئ انا ما كان عندي بحياتي مشكله بالمواعيد لانه عندي قلق فدائما مثلا هادا مثال انه كيف المخ بيخلق آليات كيف التعامل مع المشاكل يعني ما كان عندي مشكله مواعيد بحياتي لانه دائما بعرف انه عندي مشكله بالمواعيد فبوصل علي الموعد قبل بساعه لحتي  اتاكد انه انا بالموعد وبتذكر وما راح اعمل شئ ويخليني انسي بس كمان هذا الشئ معتمد علي اهميه الموضوع يعني مثلا انا بحياتي ما ضيعت شئ يعني كتير من رفقاتي يقولو ضيعت جذداني ضيعت تليفوني ضيعت مفاتيحي يعني انا بحياتي يمكن مره او مرتين ضيعت شئ بس مو بسببي بسبب انه حدا تاني علم هالشئ مثلا ومخبيه حاطه بمكان بس هاي الاشياء المهمه موضوع النسيان بيعتمد علي اهميه الشئ يعني اذا شئ مصيري علي الاقل انا من تجربتي مستحيل انسي بس مثلا اذا قلتيلي يعني اذا رايح علي السوق وحدا قالي مثلا جبلي معك حليب يعني 99% ما بجيب حليب لانه ما بعرف ليش غالبا يكون ما مهم او يكون في شئ تاني اهم بفكر فيه او كذا بس مشكله المواعيد كتير صعبه خصوصا بالشغل هلا بحكم انه المجتمعات العربيه شويه فيها تساهل اكتر بس طبعا عم تشتغلي بشركات كبيره وشركات بره الالتزام شئ ضروري فاكيد اللي عندهم اضطراب بيوجهوا كتير صعوبات بالموضوع بس اذا عندك آليه انه تخلقي هادول الآليات او تستخدمي شئ ليذكرك بتصير اسهل الحياه بس ايه بشكل عام صعب الشغل مع الاشخاص المصابين مو بس للاسباب اللي حكيناها انه بس بينسوا مواعيد بس في كمان في هايبر فوبيا انه ممكن يضل الواحد مركز علي شئ 10 ساعات بس كتير صعب يعني انا مثلا كانت تواجهني كتير صعوبه انه اشتغل بجروب يعني كتير اسهل عليا انه اسوي كل المشروع لحالي لانه قسم الشغل لعده اشخاص يعني ممكن اسويه اسرع لحالي من انه يتقسم لعده اشخاص هلا هذا الشئ اله فوايد يعني ممكن يكون نقطه قوه مو ضعف بس بكتير بالاحيان ممكن يكون شئ مزعج وبيسبب مشاكل خصوصا في امريكا كتير بيركزوا علي العمل الجماعي واحيانا بيكون في كتير مشكله بسبب الموضوع لانه احد المشاكل انه تكتشفي انه الناس ما بيفكروا بنفس السرعه يعني بتضلي 24 ساعه في اشياء بتدير بمخك في اشياء بتفكري فيها ممكن انتي ما عم تشتغلي علي موضوع جرافيك ديزاين يعني ما عم تشتغلي فيزكلي يعني ما عم تقعدي علي الكمبيوتر وتشتغلي بس بتفكري فيه وهذا الموضوع بيساعدك انه لما تطبقي فيه يعني بتنفذي بشكل كتير اسرع وكتير افيشن لانه بيكون عندك في مخزون بالتفكير والتحليل بحلول واشياء جديده طول النهار بس هذا الشئ بتكتشفي انه ما حدا بيعرفه لانه هذا الشئ براسك انه الجروب اللي بتشتغلي معن مو علي نفس الصفحه انه بتفكري لحالك بس بتتخيلي العالم كله فهمانه شو بدو يصير او عرفانه بس بتكتشفي انه لا وهون بيرجع موضوع الآليات انه بتذكري حالك انه لازم يكون في آليه اعالج فيه الاوت بوت تبع المعلومات لحتي يكون في عمل جماعي وكتير صعب هالشئ بس الواحد بيقدر يمرن حاله ليكون احسن فيه انتي ذكرتي جيرافك ديزاين فيني افهم تماما كيف هذا لاني كنت جيرافيك ديزاين وصيرت مسؤل عن مجموعه من الجيرافيك ديزاين وكل واحد بيختلف بطريقه التفكير عن التاني يعني في ناس مخه كير دائما بحاله طيران كمان الشئ الايجابي بهاي الحاله انه اذا الليدر او قائد بجروب او المدير عنده وعي لكيف كل شخص بيفكر لانه فيكي انتي اذا عطيتي مجموعه من المهام لشخص مصام بالاضطراب او عنده سمات ممكن ينفذها بشكل كتير اسرع وبكفائه كتير اعلي من اذا عطيتي اياها لشخص تاني فهاي التخصصيه كتير مهمه لان دماغ المضطرب كتير متخصص يعني بيقدر ينفذ كل شئ بس عنده اختصاص محدد آليه عمل محدده آداءه عالي فيها والاستفاده منها كتير شئ مهم يعني كتير شئ بينيفيشيال للشركات وطبيعه العمل بس اذا اتوظف تقسيم الشغل بشكل منيح يعني ممكن هالسلبيات تنقلب لشكل ايجابي ۔ " خليل يونس "

 

طيب ذكرت انه انت بعد ما قرات كتير عن الموضوع وشبه شخصت حالك توجهت للطبيب بعد ما توجهت للطبيب وبعد التشخصي== شو بيصير في خطه علاج او ادويه معينه او شو كان بحالتك ۔" مها فطوم "

 

يعني هلا في متل اي شئ خلل او اختلاف عصبي وطريقه تفكير وهكذا في عندك حلين يعني في عندك حل دوائي وفي عندك أشياء ممكن طبعا حسب قد ايش سفير الموضوع بالنسبه الك بيختلف من شخص لاخر مو بس السيفرتي تبع الحاله بس كمان بنيه الشخص البيلوجيه تقبله للدوا تقبله للعائله محدده بالادويه ورفضه لعائله تانيه من الادويه او ممكن يكون العلاج الاحسن اله هو علاج سلوكي يعني مثلا في لايف كوتشز يعني اشخاص بيعرفوا تماما الحاله بيعروفا الاشياء اللي بيعاني منها الاشخاص ممكن يساعدوهم علي ايجاد بدايه خرائط او مساعده المخ والتحايل علي المخ لتنفيذ مهام بشكل معين يعني واحده من الاشياء اللي كتير ساعدتني وساعدت كتير اشخاص هي الاوديو بوك وهي ما نها تكنولوجيا كتير جديده بس هاي احسن شئ صار من اول ما اكتشفوا الاضطراب لانه كتير المعلومات المحكيه كتير اسهل انه ياخدها الشخص اسهل من المعلومات اللي عم يقراها يعني انتي ما نك مجبوره تقعدي تعملي شئ روتنيني تطلعي علي ورقه متي ما قعدتي ومسكتي بايدك ورقه دوغري مخك بيبلش بمليون اتجاه يعني بتصيري تفكري كيف مصنوعه الورقه من انهي شجره بتصيري تفكري كتير ما الها علاقه ابدا بالماده اللي تقريها هذا الشئ بيختفي تماما لما تكوني تسمعي الموضوع فالاديو بوكس شغله كتير مفيده يعني في اشخاص عندها الاضطراب ما كتير بيحبوها بس في اشخاص بيحبوها وساعدتهن وهلا كمان التكنولوجيا الجديده الي عم تطلع اللي هو تيكست تو سبيتش انه في عندك صار برامج انه اي نص ممكن تحوليه لنص ديجتال ممكن يتقرأ ۔

هلأ العلاج الدوائي مشكله شو او احيانا ممكن يكون مشكله لانه انتي عندك عائلتين من الادويه عائله المنشطات والغير منشطات هلا الغير منشطه فاعليتهم شويه اقل بس في اشخاص ما يقدروا ياخدوا المنشطات لانه المنشطات ممكن تعمل اثار جانبيه كمان بترجع للشخص نفسه وشخصيته يعني اذا ممكن شخص اخد الدوا من عائله المنشطات يصير عنده عصبيه زياده يصير عنده صعوبات بالنوم يصير عنده مشاكل تانيه واعراض جانبيه تانيه صعبيه واحد له اثار جانبيه مزعجه هي العصبيه والنرفزه وقصر البال وكذا هلا انا بالنسبه الي ما كان عندي هالمشكله انه انا ما شخص عصبي او انفجاري فمكان عندي مشكله بالمنشطات كمان واحده من مشاكلهم هو الادمان لانه وقت نحن بنحكي عن منشطات عمليا عم نحكي عائله الامفيتامينز اللي هي ماده منشطه بيستعملوها بشكل غير قانوني بصناعه انواع من المخدرات طبعا وقت انتي بتاخديها بشكل دوائي بتاخدي نوعيه ماده انقي مدروسه روز محدده وطول ما انتي حافظتي تاخدي دوز معينه يوميا فهذا الشئ ما راح يعمل ادمان بس في دائما هذا الخطر في دائما انه اشخاص ممكن يفوتوا بحاله الادمان لما يصيروا يستعملوا الدوا لاسباب ترفيهيه اكتر من معالجه الامراض اللي عندهم يعني انا قوللتك انه المرض صار عندي لما كنت كبير كان عندي وعي كان لشو يعني الواحد ياخد منشطات بس باعمار صغيره هذا الوعي اكيد ممكن يكون اقل او مانو موجود واذا رجعنا للاعمار الصغيره كتير يعني انا من صغرتي مع ابني شخصيا ما بنصح باعطاء منشطات لاطفال صغار لانه مهم كتير انه الطفل يقدر يكون انه ينموا الجهاز العصبي بشكل طبيعي بدون تدخلات خارجيه لانه ممكن بالنهايه الطفل ما عنده وممكن تكون اعراض طبيعيه بس هلا بحكم شكل حياتنا صار اصعب انه تتقبلي او بعض الاهل يتقبلوا فرط النشاط او الحركه الزايده واذا بتلاحظي في انا من خلال اشخاص حواليا ومن خلال شو عم بقرا انه في كتير من الاشخاص اللي كانوا بسوريا وبعد الحرب طلعوا علي المانيا عم بيحكوا عن هالموضوع هون نرجع لموضوع السياق او انه هل هنن عندهم الاضطراب ولا هنن انتقلوا من حياه حد اكثر فيها مساحه للجنان واللعب لبيئات مثلا متل المانيا فيها سلوك الطفل يعني في اكسبيكتيشن معينه تشكل سلوك الطفل منها موجوده عندنا فهل هذا اضطراب ولا انتقال من ثقافه لثقافه والموضوع التاني كمان انه الاهل قد ايش بيعطوا وقت لولادهم لانه كمان هاي كمان بشكل كبير مشكله خصوصا مع التليفونات اللي صار في قدرته الاهل انه يعطوا وقت لاولادهم اقل فبالتالي الاطفال صار عندهم حاله بدهن يجذبوا انتباه الاهل يعملوا اشياء يكونوا نشيطين اكتر ويعالجوهم علي هالاساس مع انها ممكن تكون مشكله ما انا متعلقه بالموضوع هلا بالنسبه للعلاجات البديله ما عندي صراحه خبره فيها يعني اكيد في مواد طبيعيه ممكن تساعد علي يعني تحسين الاداء وعلي الانتباه والي اخره وفي اشخاص يعني بيستفيدوا منها بس اللي فيني قوله انه من خبرتي مع حالي ومع ابني انه تواجد الدواء خصوصا المنشطات يعني يمكن انسب للاعمار الكبيره شوي مرحله البلوغ يعني خلينا نقول ، " خليل يونس "

 

طيب علي صعيد العلاقات مع الاصدقاء والعلاقات العاطفيه بيأثر بيخربله حياته هذا الشئ للشخص اللي عنده هذا الشئ ۔ " مها فطوم "

 

والله سؤال كتير حلو يعني ايه ولا علي حسب الشخص وعلي حسب الاشخاص اللي حواليكي قد ايش قادرين يتقبلوا وقد ايش بيعرفوا حقيقه الشخص يعني مثلا انا عندي مشكله اول ما بتعرف علي شخص يعني انطباعه الاول عني يعني ياسر كيلر او سيكوباتي او حدا لئيم الانطباعات الاولي سلبيه غالبا وهاي مشكله مع الاشخاص اللي بتشوفيهم مره واحده بس وقت بيعرفوكي وبيفهموا انك ما نك سيلير كيلر بس طريقه تعارف علي شخص عندك مختلفه عن الاشخاص الاخريين يعني انا كتير صعب عليا انه شوف حدا بعياده واحكي انا واياه لمده ثانيتين عن الطقس وما عاد شوفه يعني هاي العلاقات ما بقدر اعملها يعني انا بس بالعلاقات الطويله يعني والله هذا الشخص كتير ظريف ممكن يكون في علاقه بيني وبينه وعنده هالصفات وهالصفات بس انتي ما بتكوني منتبهه انه شو الانطباع اللي بيكونه عنك هلا بالنسبه للعلاقات الشخصيه والعاطفيه كمان بتعاني منها بنفس المشكله بس بما انه هاي العلاقات غالبا النيه تبعها انه تكون علاقات طويله فالمشاكل فيها تكون اقل لانه في فتره اطول بتتعرف علي الشخص بس الحياه بتختلف شوي اذا انتي عايشه مع شخص بيحب الاشياء تكون مرتبه بيحب كل شئ يكون بمحله بكل الاوقات فكتري صعبه صعب شخص يكون عنده

ADHD

وشخص عنده

OCD

يعني بيضلوا يتقاتلوا طول النهار " خليل يونس "

 

 

3نقاط بيرجع اكيد يأكد خليل ياكد طريقتنا بالتعاطي معم بما يخص ال

ADHD .

" مها فطوم "

 

يعني يمكن بحب ارجع بركز انه هذا مانو مرض يعني للاسف انه هيك المجتمع الطبي بعد عده سنوات هذا الشئ راح يختلف لانه دائما في دراسات وتطورات والي اخره يعني كمان في موضوع بدي ارجع احكي عنه يلي هو التريند او انه انا عندي كذا وعندي كذا وهذا الشئ موجود بكل الامراض النفسيه والعصبيه انه دائما في تريند انه انا عندي توحد يعني بدي ذكر انه صحيح في شغلات ايجابيه في الاضطراب بس هي مانه شغله يعني انه مو وسام او شئ شهاده الواحد يعلقها انه انا عندي فهو انجاز يعني هو شغله يعني حظ حظ جيني وسلوكي وحياتي اله سلبياته وايجابيه واله كتير سلبيات ببعض الاحيان فبس بحب قول للاشخاص اللي بيفوتوا بهاي حاله التريند يكونو شويه حذرين اكتر لانن اولا هما عم ياخدوا انتباه من اشخاص بالفعل عندن وعم يميعوا الموضوع احيانا لدرجه انه صار الكل عنده بس اللي ما عنده ما عم يعانوا مثل الاشخاص اللي عندهم مثلا عم ياخدوا انتباه لحقيقه الاشياء والصعوبات والشئ التاني هو الاطفال كمان يعني الاهل يديروا بالهم لانه هذا الشئ كتير منتشر خصوصا بره باروبا وامريكا انه بيكفي تاخدي ابنك للدكتور تقوليله ابني ضل عم يتحرك ضله عم شو انه يكون شوي باله طويل اكتر يحاولو

بتقوليله ابني بيضل عم يتحرك بيضل عم يحكي ولما يكون شوي باله طويل أكتر بيحاولوا يشوفوا وين الطفولة بتبلش تنتهي ووين بيبلش ADHD... وما يخلطوا بين الموضوعين "خليل يونس " .

 

" عنجد هاي نقطة تمييع الاضطرابات بشكل عام والأمراض النفسية وعنجد thank you  انك نوهت عن هاي النقطة ويمكن المطلوب من الأهل بهيك حالات بالنقطة الأخيرة الي ذكرتها انه بس يكون عندهم صبر على الاطلاع  ومعرفة المزيد لحتى يحطوا حدود معينة انه لا هو صار لازم روح هون هاي طفولة طبيعية  thank you  شكرا كتير "

"مها فطوم "

" خليل يونس "" شكرا الك ، شكرا مها "

 

" مها فطوم "" راح اتركم هلا مع مشاركة الأخصائية النفسية هبة عرنوس "

 

هبة هرنوس : " ال ADHD  هي تماما اضطراب مزمن بتكون عند الأطفال بتطلع على شكل نقص في الانتباه ، اندفاعية ،عدم اتمام المهمات ، حركة زائدة ، عدم الانصات ، عدم الانتباه بشكل واضح وظاهر ، أحيانا بيبدو لنا انه هو حتى ما عم يستمع لينا ولو كان وشنا قدام وشه هادا الحالة الي هيا موجودة عنده تخليه يكون دائما كطفل  هي بتكون موجودة عندنا اياها بعمر ٣ سنين لعمر ١٢ سنة تقريبا بتكون ظاهرة وواضحة جدا يعني بتتجربي أكتر من مظهر ، الحركة الزائدة بتعرفي مثلا الفصل الدراسي عندهم اتمام المهمة ان كانت مهمة منزل او مهمة واجب مدرسي فبتظهر بعدة جوانب تيجي الأم ببساطة بتقول لما بتيجي العيادة بتقول ابني ما بيهدا ، ابني ما بيقدر يركن على لعبة أكتر من ٥ دقايق هلا في عندنا عدة معايير لنقدر على أساسها نحنا نحدد هل هو ADHD  ولا لا ، أول شي المدة الزمنية لاستكشاف اللعبة نحنا عم نحكي على أساس عمر ٣ سنين مدة زمنية لاستكشاف اللعبة وفترة صموده عليها ، عنا الاندفاعية يعني بنلاقيهم لما بنيجي مثلا أقطع الشارع بدنا نعمل أشياء فيها مستوى من الخطورة معينة بتبدأ عنده الاندفاعية يعني قد يعطينا شعور انه لاماليين هادول الأشخاص غير مكترثين بالخطر الي هنا رايحين ليه ، هذا الشي نحنا ممكن نلاحظه ممكن نشوف حالات من الشهود الطويلة عدة حركات بذات الوقت بلا هدف وبلا معنى هي بتحمل لينا صورة قد نشعر انه هذا الشي طفل او الشخص الي قدامنا هو عم يعاني من ذريعة التململ هو عم يشعر انه هذا الوقت بيقدر يأنجز فيه شي آخر هلا احنا بعد عمر ١٣ سنة اذا بلشت هي الأعراض تبدأ تتلاشى تبدأ هي تروح عنه فممكن احنا ننتبه انه ما يكون في عندنا اضطراب آخر ملازم ليه مثل عندنا اضطراب الODD بيكون هو ممكن الODD   هو اضطراب ممكن يتلازم مع ADHD  الي هو تحدي السلطة ، تحدي الرقابة ، تحدي الأشخاص الي هم أعلى مرتبة منه وممكن هن يقودوه او ياخدوه لجهة معينة او يمشوه في نظام معين فاذا كان هو رايح باتجاه الODD          فبيبدأ هو يدخل بمرحلة التحدي تبع انه ليه هما معهم وانا لا مين سمحلوا ومنعني مين قال انه مع انه يسوا هادول الاشياء والطرف الآخر يقوم بهادول الاشياء الي هو كبير الي هو صاحب سلطة الي هو استاذ ، ام ، اب بالمنزل ، ليه هو مسموح ليه انه هو يسهر وانا لا ، هلا ليه مسموح ليه انه يستعمل الموبايل ساعات طويلة وانا لا ، بكل شي بيحط حاله بنفس الكفة مع الطرف الآخر هذا الODD   هي ببترافق مع ADHD ببعض الحالات متل ما شفنا وسمعنا مع خليل ، هلا خليل كان واعي تماما للشي الي عم يصير معه وواضح انه هو تماما عنده اطلاع كتير كبير ، عنده اطلاع لحتى يسرع بالانسجام ويطول فترة التناغم مع المجتمع يعني انا لما بقدر أعرف ويكون عندي هذا الاستبصار الذاتي وهذا الوعي الي بقدر من خلاله انه انا اعرف شو عم بيصير معي أعرف امتـى انا هضايق وامتى انا هقعد بوسط هذا الوسط ممكن يحملي انزعاج بهذا المكان اذا  عبرت فبعرف ما هلاقي اذن صوتية  لالي ، فانا بالتالي هيكون عندي حدود احمي فيها نفسي ، أقوي فيها مناعتي النفسية  وتساعدني تماما اني انا وقف عن اما الانصياع لحتى انا اكون مقبول اجتماعيا او وقف عن حتى التلاقي مع هادول الاشخاص الي هم بالنسبة لالي ممكن يحملولي أذى او ألم

فالحالتين من الجهتين قوه استبصار ذاتي قدرت هي تساعدة وتحميه هذا الشئ ما بيمنع انه ما اتعرض لمواقف مثل ما ذكر ادي فيها لانه ممكن يكون هو زعل او اضايق لفكره عدم الثقافه المجتمعيه يعني عدم انتشار هذه المعلومات بشكل واسع وشكل كبير يقدر الشخص من خلاله يوعي اكتر وينتبه اكتر انه انا لما اتعامل مع هذول الاشخاص كيف طريقه التعامل معن هما اشخاص حساسين جدا هما اشخاص عندن القوه اللي بداخلن بتظهر علي شكل شفافيه علي شكل اشخاص قادرين انهم يقدموا المساعده وحتي يقدموا جزء من مما يملكون مش بس ماديه من وقتن من ممتلكاتن كرمال انه يساعدوا الطرف الاخر الفكره ان هن بيتعاملوا مع الموقف مثل ما هو يلا بكره بيردلي اياها ما بتصيع معه كتير انسانين كتير عندن هذا الحس الانساني العالي جدا لما هذا الشخص لما ما يلاقي تقدير من المجتمع ولما ما يلاقي تعزيز لجهوده هو ما هيكون في عنده رده فعل عنيفه ولكن رده الفعل العنيفه بتكون اتجاه ذاته يعني رقم واحد يعني هو بيبدا يشعر مع نفسه انه انا ليه هيك ليه قدمت ومن ثم وهي بتطلع تجاه المجتمع انا الي الان عم بتكلم عن الاشخاص اللي هن ما قاموا بتدريب انفسهن او ما خضعوا لجلسات تدريب ذاتي قدروا من خلالها يقاوموا هذا الشئ فنحن بحاجه جدا انه نحن نقرأ عن الاضطرابات النفسيه واعراضها لما انا اشوف قدامي مو كل شخص هيكون طبيب نفسي ولكن كل شخص بحاجه لثقافه لما يشوف انماط من هذول الناس بالمجتمع قد يكونوا لازيقين لاله بالعمل بالمدرسه بالجامعه هن بحاجه جدا انه انا اقرا واعرف عن هذا الطرف الاخر شو هو بالنسبه لالي هن اشخاص متعلقين يعني يعني هن اشخاص اذا ارتاحوا لطرف عنجد هن بيحبوه من قلبن يعني بيحبوه لدرجه انه بيخافوا عليه من حالن خايف ااذيك بهاي الحب انه كتير انت لإلي انه كتير انت ملكي فمبيسمح حتي بموضوع ولو كان هذا صديق زميل انه خلاص انه انا وياك علاقتنا كتير قويه بيزعل يعني دائما بيتوقع انه العلاقه هتدوم هتطول وهذا الشئ ذكره خليل ضمن لقائه وقال انه دايما نحن ضمن علاقتنا هدا تمام اجه علي عقلي وعلي فكري فانا بدي استمر بالعلاقه معه قد يكون الطرف الاخر لا هو العلاقه بالنسبه لاله مؤقته مرتبطه بجزئيات معينه الا وهي خدمه مصلحه تنتهي بزمان تنتهي بايفنت معين فقط ولكن لما بيرتاح لهذا الشخص لا هو عنجد بيسلمله كليته وهون نحن كتير بنوه وبنبه تماما قد ايه احنا نقوي صلابتنا النفسيه نمنح فيها انه نحن خليني اقول نتماهي بالطرف الاخر للدرجه انه ممكن يفقد حدوده وبالتالي هو عرض نفسه لصدمه كتير قويه تمنعه مع الايام او بتقلل من سرعه انه هو يطيب هذا الجرح فهو كتير شخص حساس كتير شخص معطاء مطلوب من كل شخص بيعرف قدامه حدا انه هو يحتدم مشاعره انه يعطيه خيارات انه ما يفرض عليه موضوع فرض انه يراعي حساسيته انه اذا انت عنجد عندك مشاعر وما بدك تحكيها انت فعلا بدك تكون حاسسها لانه عنده قوه استشعار وحساسيه عاليه يصعب خداعه ۔ " هبة هرنوس "

 

شكرا الكم لحسن استماعكم واهتمامكم انتظرونا الاسبوع القادم بحلقه جديده

لبودكاست صارت معي فيها

 

هلا لوقتها ضلوا بخير واسمعوا الحلقات السابقه عبر زياره موقعنا أخبار الان في

قسم بودكاست ۔أو من خلال تطبيقات البودكاست المختلفة

مثل أبل بودكاست إذا كنتم حمله ايفون، أو جوجل بودكاست اذا نظام موبيلاتكم

أندرويد أو من خلال ساوندكلاود ، ديزر ، أنغامي ، سبوتيفاي

شاركوني أفكاركم وتعليقاتكم واتواصلوا معي عبر الواتساب

00971568531592

بالاعداد والتقديم برافقكم دايما انا " مها فطوم " إلي اللقاء